ជនជាតិ ណរវេម្នាក់ ស្លាប់ដោយសារប្រើថ្នាំលេបដេកលក់ហួសកំរិត
07-May-2019 | ដោយ ពលមនសិការ
សៀមរាប៖ នៅថ្ងៃទី០៦ ខែឧសភា ឆ្នាំ២០១៩ នៅវេលាម៉ោង១៣និង៣០នាទី មានករណីជនបរទេសស្លាប់ ស្ថិតនៅត្រង់ចំណុចក្នុងសណ្ថាគារSELVER SMITH បន្ទប់លេខ២០៦ ជាន់ទី១ ក្រុមទី៨ ភូមិវត្តដំណាក់ សង្កាត់សាលាកំរើក ក្រុង/ខេត្តសៀមរាប។
តាមការបញ្ជាក់ប្រាប់ពីសមត្ថកិច្ចជំនាញឲ្យដឹងថាសពជនរងគ្រោះឈ្មោះ NERDRERKRISTOFFR ភេទប្រុស ឆ្នាំកំណើត១៩៩១ មុខរបរជាភ្ញៀវទេសចរណ៍ជនជាតិ ណរវេ បានចូលតាមច្រទ្វាប្រលានយន្ថហោះខេត្តសៀមរាបកាលពីថ្ងៃទី៣០ ខែមេសា ឆ្នាំ២០១៩ ហើយមកស្នាក់នៅក្នុងសណ្ថាគារ ភូមិ-សង្កាត់ កើតហេតុខាងលើ។
បន្ទាប់ពីពិនិត្យកន្លែងកើតហេតុ រួចមក កម្លាំងជំនាញ់ក៏សាកសួរបំភ្លឺបន្ថែមពីអ្នករៀបចំបន្ទប់បានអោយដឹងថានៅវាលាម៉ោង១៣និង៣០នាទីថ្ងៃទី០៦ ខែឧសភា ឆ្នាំ២០១៩ បានចូលរៀបចំបន្ទប់ ហើយក៏ធំក្លិនស្អុយហើយបានរាយការអោយប៉ូលីសចុះមកពិនិត្យ។
ក្រោយការពិនិត្យ និងស្រាវជ្រាវរបស់សមត្ថកិច្ច ជំនាញនិងលោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការ បានសន្និដ្ឋានថាជនរងគ្រោះស្លាប់ដោយសារ ប្រើប្រាស់ថ្នាំលេបដេកលក់ហួសកំរិត។
សពជនរងគ្រោះត្រូវបានដឹកយកទៅរក្សាទុកនៅមន្ទីរពេទ្យខ្មែរ-សូវៀត(ពេទ្យរុស្សី)ភ្នំពេញតាមសំណើររបស់ស្ថានទូតដើម្បីរងចាំក្រុមគ្រួសារមកទទួលយក ៕
ចំនួនអ្នកទស្សនា
- ថ្ងៃនេះ2891
- ម្សិលមិញ6261
- សប្តាហ៍នេះ21271
- ខែនេះ136421
- ឆ្នាំនេះ136421
- សរុប20578877